Eirðarlaus.
Um dýrð var mig farið að dreyma.
Hvar dvelst þér ... á leiðinni ... heima?
Hvert andartak verður að ári.
Hver einasta hugsun að sári.
Hver tilfinning að tári.
Nú hefur stefnumótsstundin
stolist í eilífðarblundinn. -
Þú mátt hugstríð mitt hundraðfalda
og helvítiskvölum valda
hjartanu um aldir alda.
Þín vegna er ljúft að líða,
elska og bana bíða.
No comments:
Post a Comment